Илим күнү дүйнө жүзүндө 2001-жылдан тарта ЮНЕСКОнун атайын резолюциясынын негизинде белгиленип жүрөт. Ал документтин алкагында жер бетинде түрдүү изилдөө, долбоорлор колдоого алынып каржыланат. Ал эми Кыргызстанда өкмөттүн токтомунун негизинде 2002-жылдын 10-ноябрынан баштап майрамдалат.
Учурда республика боюнча жалпы жонунан 84 илимий-изилдөө мекеме бар, аларда 4500гө жакын кызматкер эмгектенет. Өлкөдөгү эң биринчи илимий-изилдөө институту 1928-жылы ачылган.
Изилдөөчүлөр Ысык-Көлдөгү балыктын санын аныктап жаткан учур, 1982-жыл
Таш-Көмүрдө табылган динозаврды изилдегени барган экспедициялык топ, 1969-жыл
Археологдор Ысык-Көл жээгинде XIV-XV кылымга таандык кыш жана суу түтүгүн чыгарган байыркы ишкананы тапкан учуру, 1961-жыл
Кыргыз мамлекеттик университетинин лабораторияларынын бири, 1975-жыл
Илимдер академиясынын биология институтунун кызматкерлери сыноо участогунда, 1982-жыл
Кыргыз ССРинин Илимдер академиясынын автоматика институту 1989-жылы универсалдуу экскаваторду иштеп чыккан
Ысык-Көлдөгү Семенов мөңгүсүн изилдегени барган окумуштуулар, 1966-жыл
Биологиялык станциянын адистери Ысык-Көлдүн суусун изилдеп жаткан маалы
Кыргыз ССРинин Илимдер академиясынын биология институтунун герпетологу жыланды изилдөөдө, 1982-жыл
Тянь-Шань аэрологиялык станциясынын кызматкери сигнал кабыл алуучу антеннаны түздөөдө, 1968-жыл
Биохимия жана физиология институтунун лаборанты козуларды эмдеп жатат, 1972-жыл
Суу чарбасы жана энергетика илимий-изилдөө институтунун адистери республиканын ирригация системасын жакшыртуу максатында сыноо жүргүзүүдө, 1972-жыл
Мөңгү изилдөөчүлөр Тянь-Шань тоолорунда, 1978-жыл
