БИШКЕК, 30-авг. — Sputnik. Президент Алмазбек Атамбаев реконструкциядан өткөн Бишкектин жылуулук тармагынын расмий ачылышына катышты.
Өлкө башчы жаңыланган объектинин иш процесстери менен таанышып чыгып, кытайлык TBEA комапаниясына жана ТЭЦтин кызматкерлерине ыраазычылык билдирди.
"Айрымдар ТЭЦтин реконструкциясы үчүн насыя албаш керек деп чыгышкан. Муну акылсыздар жана бирөөнүн тапшырмасын аткаргандар айтышкан. Алар мындан башка энергетикалык долбоорлорго да ушундай сөздөрдү айтышат. Эгер Датка — Кемин электр линиясы болбогондо бул жакка кайсы инвестор келмек эле? Инвесторлорго электр энергиясын үзгүлтүксүз берүү маанилүү", — деди президент.
Мындан ары мештерге кыргыз көмүрү жагыла баштайт. Ал эми ТЭЦ 812 мегаватт электр энергия иштеп чыгарат. Буга чейин ал 512 мегаватт электр энергиясын чыгарып келген.
