Ош: 4,4 миллион долларга электр жабдуулары алмаштырылды

© Sputnik / Артем Креминский / Медиабанкка өтүүСитуация с энергоснабжением Крыма
Ситуация с энергоснабжением Крыма - Sputnik Кыргызстан
Жазылуу
Эскилиги жеткен электр жабдууларын алмаштырууга "Ислам өнүктүрүү банкы" каржылык колдоо көрсөткөн.

БИШКЕК, 17-июн. — Sputnik. Оштун Кара-Суу шаарындагы эскилиги жеткен көмөк чордондор алмаштырылды. Бул тууралуу аймактык кабарчы билдирди.

Аймактагы электр жабдууларын алмаштыруу үчүн "Ислам өнүктүрүү банкы" 4 миллион 379 миң долларлык колдоо көрсөткөн.

"Каражатка Россиядан кубаттуулугу 40.0 МВА трансформаторлор жана заманбап үлгүдөгү электр жабуулары сатып алынган. Бул менен Анжиян ГЭСи, суу сактагыч, жана Ош ТЭЦ-1, ТЭЦ-2ге кетүүчү электр чубалгыларынан, трансформаторлоруна чейин алмаштырылды", — деп айтылат билдирүүдө.

Орнотуу, оңдоп-түзөө иштерин "Ош жогорку чыңалуудагы электр тармактар" ишканасы  жүргүзгөн.

Кара-Суу шаарында кубаттуулугу 56,5 мегаватт болгон трансформаторлор мындан 54 жыл мурда ишке берилген.

Жаңылыктар түрмөгү
0