БИШКЕК, 15-авг. — Sputnik. Microsoft компаниясынын негиздөөчүсү Билл Гейтс ишканасынын 4,6 миллирд долларга бааланган 64 миллион акциясын кайрымдуулукка жумшады. Бул тууралуу Блумберг агенттиги баалуу кагаздар боюнча федералдык комиссиянын маалыматына таянып билдирди.
Ал каражатты которууга 6-июнда кол койгон. Алган тарап боюнча маалымат жок. Бул анын 2000-жылдан берки кайрымдуулукка бөлгөн эң көп каражаты болуп саналат. Анда ал 5,1 миллиард, 1999-жылы 16 миллиард доллар кайрымдуулукка жумшаган.
Билл Гейтс аялы Мелинда экөө 1994-жылдан бери 35 миллиард долларлык кайрымдуулук жасаган.
