БИШКЕК, 10-авг. — Sputnik. Бүгүн, 10-август күнү Ош шаарынын троллейбус айдоочулары жумушка чыгышкан жок. Бул тууралуу Sputnik Кыргызстан агенттигинин кабарчысына айдоочулар өздөрү билдиришти.
Троллейбустардын каттабай калышына айдоочулардын Ош шаардык муниципалдык транспорт ишканасына нааразы экендиги себеп болгон.
Алардын айтымында, аталган ишкана ар бир каттамдан 80 сомдон салык алууда.
Айдоочулар ушул күнү иш таштоо акциясын уюштурарын алдын ала мэрияга эскертишкенин кошумчалашты.
Белгилей кетсек, Ошто жалпысынан 35 троллейбус бар. Ар бир жүргүнчү жол киреге алты сом төлөйт.
