БИШКЕК, 23-июл. — Sputnik. 2018-жылы Россияда боло турган футбол боюнча дүйнөлүк биринчиликте аккредитация алган журналисттер оюн болгон шаарлар ортосунда каттаган поездде акысыз жүрөт. Бул тууралуу РИА Новости уюштуруучуларга таянуу менен жазып чыкты.
Эске сала кетсек, келерки жылы 14-июндан 15-июлга чейин Россияда футбол боюнча дүйнө биринчилиги өтөт. Оюндар өлкөнүн 11 шаарындагы 12 стадиондо болот.
"Журналисттерди акысыз ташуу боюнча чечим кабыл алынды. Анын арты менен ЖМК өкүлдөрү оюн боло турчу шаарларга акысыз бара алышат", — деп жазылат маалыматта.
Мындан сырткары уюштуруучулар Россиянын күйөрмандарына акысыз транспорт жалдоо маселесин карап жатат.
