БИШКЕК, 11-июл. — Sputnik. Филиппиндеги Манила борбордук зоопаркында Берта аттуу дүйнөдөгү эң кары бегемот өлдү. Бул тууралуу РИА Новости жазып чыкты.
Маалымата ылайык, бегемот 65 жыл жашаган.
"Берта аталган зоопарк түзүлгөндөн бери анда жашаган алгачкы жаныбарлардын бири болчу. Ал бир нече ички органдарынын иштебей калышынан улам өлүп калды", — деди зоопарк жетекчиси Жеймс Дичавес.
Мисалга алсак, Коламбус зоопаркында жашаган Коло горилласы 60га чыгып өлгөн. Негизи жапайы жаратылышта жашаган маймылдар ага салыштырмалуу 10 жыл мурда өлөт.
Зоопарк кызматкерлеринин айтымында, Берта зоопарктын символу болчу. Ал зоопарк түзүлгөндөн, башкача айтканда 1959-жылдан тарта ошол жерде жашаган.
Мындан улам анын өлүмү бир гана зоопарк кызматкерлерин эмес, келген коноктордун да маанайын чөктүргөн.
