БИШКЕК, 26-июн. — Sputnik. Петербургдагы терактыны уюштуруу үчүн жанкечти менен анын шериктери Telegram мессенжерин колдонгонун РИА Новости ФСБга шилтеме берүү менен жазып чыкты.
"Үстүбүздөгү жылдын 3-апрелинде Санкт-Петербургдагы метродо болгон жардырууну иликтөөнүн негизинде, терактыны уюштуруучулар Telegram мессенжерин колдонгону белгилүү болду", — деп айтылат маалыматта.
Буга чейин Роскомнадзор Telegram администрациясын тергөө жүргүзүү үчүн маалыматтарды ачыктоону талап кылган, болбосо тиркемеге чектөө коюлмак.
3-апрелде "Сенная площадь" жана "Технологический институт" метро станцияларынын ортосунда жардыруу болгон. Акыркы маалыматтарга ылайык, 15 киши каза болуп, элүүдөй киши түрдүү жаракаттарды алган. Бул фактынын негизинде Россиянын Тергөө комитети теракт боюнча кылмыш ишин козгогон.
