БИШКЕК, 14-июн. — Sputnik. Бүгүн Ош шаарында кан донорлорунун эл аралык күнүнүн урматына майрамдык иш-чара уюштурулуп донорлор сыйланат. Бул туурасында Ош облустук кан борборунун директору Осмонакун Шамшидов маалымат жыйында билдирди.
Иш-чаранын алкагында адистер жарандарды кан берүүгө үндөп тиешелүү кеп-кеңештерди беришет.
"Облуста былтыр 7466, ал эми быйылкы жыл башынан бери 2105 жаран кан тапшырган. Статистика көрсөткөндөй акыркы жылдары кан тапшыргандардын саны азайууда. Ошондуктан ден соолугу чың жана мүмкүнчүлүгү бар жарандарды кан тапшырууга чакырабыз", — деди Шамшидинов.
Эркектер жылына беш, аялдар төрт жолу кан тапшырууга болот. 30дан көп жолу кан бергендерге Кыргызстанда "Ардактуу донор" наамы ыйгарылат.
