Сооданбекова: жамгырда калсам да окуучуларды жол чийинден өткөрүп жатам
Учурда ыктыярчылар мектеп окуучуларынын жол чийинден өтүүсүнө жардам беришүүдө. Бул тууралуу ушул жаатта иш алып барган Назгүл Сооданбекова Sputnik Кыргызстан радиосуна маек берип жатып билдирди.
Эске сала кетсек, ушу тапта "Балдардын укугун коргоо" лигасы тарабынан демилге көтөрүлүп, ыктыярчылар жол коопсуздугун сактоо максатында окуучуларды жол чийинден өтүүсүнө жардам беришүүдө.
"Учурда эки мектептин окуучуларын жол чийинден өтүүгө жардам берип жатам. Эртең менен 7.30да окуучулар сабакка келгенде жана 12.30да сабактан чыкканда аларды жолдон өткөрөм. Колумда атайын кызыл желегим бар", — деди Сооданбекова.
Ыктыярчы аба ырайына карабай окуучуларга көмөктөшүп жатканын кошумчалады.
