БИШКЕК, 16-май — Sputnik. Корея республикасында жаңы шайланган президент Мун Чжэ Ин эмес эле анын жансакчысы популярдуу болуп бараткандыгы тууралуу британиялык The Daily Mail агенттиги жаздып чыкты.
Мун Чжэ Ин 9-майда өткөн шайлоодо жеңип чыгып, эртеси күнү эле өлкө башчылык милдетин аткарууга киришкен.
excuse me this is the new korean president's bodyguard pic.twitter.com/aIJVhZjo28
— elena yip (@elena_yip) 12 мая 2017 г.
Президент эл алдына чыга баштары менен жансакчысы Чой Янг Чженин сүрөттөрү интернет айдыңында "чуу" жаратты. Жансакчынын аты интернетте президенттикинен көбүрөөк аталып, далай кыз-келиндердин жүрөгүн дүкүлдөтүп жаткан кези.
"Корей кыздары президенттин жансакчысынын сүрдүү көздөрүнө ашык болушууда", — деп жазат The Daily Mail.
Янг Чже — Түштүк Кореянын куралдуу күчтөрүнүн атайын бөлүгүнүн офицери.
Кийинчерээк президенттин аппаратынан билдиришкендей, жансакчы үй-бүлөлүү, эки кыздын атасы экен.
