БИШКЕК, 10-май. — Sputnik. Мун Чжэ Ин Түштүк Кореянын президенти болуп шайланып, дароо өз милдетин аткарууга киришкендиги тууралуу РИА Новости жазды.
Ал шайлоодо шайлоочулардын 41,08 пайызынын добуш алгандыгын аталган өлкөнүн Борбордук шайлоо комиссиясы бүгүн эртең менен билдирди.
Бул органдын расмий сайтындагы маалыматка караганда, Түштүк Кореянын демократиялык партиясынын 64 жаштагы өкүлү Мун Чжэ Инге 13,4 миллион адам добуш берген.
Эркин Кореянын консервативдик партиясынын лидери Хон Чжун Пхө 24,03 пайыз, Элдик партиянын өкүлү Ан Чхоль Су — 21,41 пайыз добушка ээ болду.
Кореянын тарыхында Пак Кын Хе импичменттин айынан президенттиктен кол жууган алгачкы президент. Ал мамлекеттин ишине досу Цой Сун Силди аралаштырган деп айыпталган. Цой Сун Кореядагы ири компаниялардан пара алганы айтылууда.
