Түштүк Кореяда президенттик шайлоо мөөнөтүнөн мурда башталды

БИШКЕК, 9-май. — Sputnik. Түштүк Кореяда шейшемби күнү мөөнөтүнөн мурда президенттик шайлоо башталды. Бул тууралуу РИА Новости кабарлады.

Маалыматка караганда, президенттик шайлоонун убагынан эрте өтүп жатышы мурдагы президент айым Пак Кын Хенин бийликтен кетип, камакка алынышы менен байланыштуу болууда.

Корея Республикасынын БШКсынын маалыматына ылайык, шайлоодо жалпы 13 964 добуш берүү участкасы иштейт. Ал эми президентти тандоого катыша турган  42,5 миллион шайлоочу катталган. Добуш берүү кечки саат 20:00дө (17:00 Бшк) жыйынтыкталат.

Эске салсак, президенттик шайлоого беш талапкер ат салышууда. Алар: Демократиялык партиянын өкүлү Мун Чжэ Ин, "Элдик партиядан" Ан Чхоль Су, "Эркин Корея партиясынын" атынан Кёнсан-Намдо облусунун губернатору Хон Чжун Пхё, "Акыйкат саясий партиясынан" Ю Сон Мин жана Түштүк Кореяда саясий күч деп эсептелген "Акыйкат партиясынан" депутат Сим Сан Чжон катышып жатат.

Кореянын тарыхында Пак Кын Хе импичменттин айынан президенттиктен кол жууган алгачкы президент. Ал мамлекеттин ишине досу Цой Сун Силди аралаштырган деп айыпталган. Цой Сун Кореядагы ири компаниялардан пара алганы айтылууда.