БИШКЕК, 27-апр. — Sputnik. Дача айылындагы авиакырсыктан каза болгондордун жакындарына жана жабыркагандарга ӨКМдин атайын эсебине чогулган акча таратылды. Бул тууралуу өкмөттүн маалымат кызматы билдирди.
Белгилей кетсек, 16-январда эртең менен саат 7:30дө Түркиянын ACT компаниясына таандык жүк ташуучу учак кулап, 39 кишинин өмүрүн алган. Кырсыктын чоо-жайын КМШ мамлекеттер аралык авиациялык комитети иликтөөдө.
Жабыр тарткандардын өздөрүнүн өтүнүчү менен акча алардын колуна накталай берилген эмес. Алар каражатты банктардын ортосунда которуу жолу менен гана колдоно алышат. Андан сырткары, жабыркагандар бөлүнгөн каражатты турак-жай сатып алууга колдонушун өкмөттүк комиссия тескеп турат.
Ошондой эле жакын арада Түркиянын ACT Airlines авиакомпаниясы дага компенсация үчүн каражаттын кийинки бөлүгүн которот.
