БИШКЕК, 26-апр. — Sputnik. Кыргызстандык өспүрүм таэквондочулар Казакстанда өткөн эл аралык турнирде 33 медалга ээ болушту. Бул тууралуу өлкөнүн Таэквон-до ITF федерациясынан билдиришти.
24 Чын Куран 2017, 18:44
Маалыматка ылайык, "Kazakhstan Open Cup-2017" эл аралык турнири 22-23-апрелде Алматы шаарында өткөн. Ага Кыргызстандын атынан 20 спортчу катышып, жети алтын, 13 күмүш жана 13 коло медаль тагынышты.
Аталган спорттук иш-чарада Артур Шрейдер, Улукбек Жандралиев, Дастан Сулайманов, Влас Татаркин, Алтынбек уулу Атахан жана Владислав Усовдор чемпион болушту. Андан сырткары, Владислав Петренко мыкты техника үчүн кубокко ээ болду.
Кошумчалай кетсек, "Kazakhstan Open Cup –2017" эл аралык турнирине Казакстан, Өзбекстан, Тажикстан жана Кыргызстандан жалпы 200дөн ашык спортчу катышкан.
