БИШКЕК, 18-апр. — Sputnik. Өлкө аймагындагы финансисттер үчүн мамлекеттик каражатты пайдалануу боюнча эки күндүк атайын окуу башталды. Бул тууралуу Жергиликтүү өз алдынча башкаруу иштери жана этностор аралык мамилелер боюнча агенттиги билдирди.
Малыматка ылайык, иш-чара 18-19-апрелге белгиленип, Нарын шаарына 40 райондун финансисттери келди. Аймактардан келген кызматкерлердин кесиптик дараметин Финансы министрлигинин борбордук казынасынын адистери жогорулатат. Анда ошондой тажрыйба алмашуу үчүн айыл өкмөттөрдө да көчмө сессиялар өтмөкчү.
Уюштуруучулар аталган иш-чараны айыл жериндеги адистердин кесипкөйлүгүн арттыруу максатында уюштурууда.
