ОШ, 12-апр. — Sputnik. Ош шаарынын төрөт үйүнүн дарыгерлерине түркиялык адистер ымыркайлардын угуусун текшерүүнү үйрөттү.
Эки күнгө созулган семинарга Ош шаардык төрөт үйүндө жана Ош облустук бириккен клиникалык ооруканасында иштеген жалпы 38 акушер-гинеколог катышты.
"Түркияда ымыркайлардын угуусун текшерүү боюнча өкмөттун атайын программасы бар экен. Бул тажрыйба буюрса биздин өлкөдө да ишке ашат. Окутууга катышкандарга теориялык жана практикалык түрдө бардыгы көрсөтүлдү. Ош шаардык төрөт үйүндөгү ымыркайлардын 80 пайызынын угуусу текшерилип, үч ымыркайдын угуу жөндөмүндө көйгөй бар экени аныкталды", — деди төрөт үйүнүн башкы дарыгери Зейнеп Исраилова.
Ош шаардык төрөт үйүндө күнүнө эң аз дегенде 15, эң көп болгондо 45 бала жарык дүйнөгө келет.
Окутуу Түркия мамлекетинин ТIKA уюмунун колдоосунда ишке ашырылган.
