БИШКЕК, 11-апр. — Sputnik. Борбор калаанын "Дордой" футболдук клубу жана түркмөндөрдүн "Алтын Асыр" командаларынын мелдешинде билет баасы 100 сомду түзмөкчү. Бул тууралуу шаардык футбол клубунун маалымат кызматы кабарлады.
Азия кубогунун футболдук конфедерациясынын (AFC) тайпалык этабынын үчүнчү оюну Бишкекте 18-апрелде Дөлөн Өмүрзаков атындагы стадиондо уюштурулат. Мелдеш 19:00дө башталып, аны Ирандан келген калыс 32 жаштагы Хасан Акрами тейлейт.
Кийинки раундда жалгыз жолдомого атамекендик командалар Тажикстандын "Истиклол" жана Түркмөнстандын "Алтын Асыр" командалары менен ат салышат.
"Алай" командасы AFC кубогунун тайпалык оюнунда мурунку сезондо жеңип, өлкөнүн чемпиону катары ойносо, "Дордой" командасына бул квалификацияга жетүүгө бир топ жолду басып өтүүгө туура келген.
"Дордой" биринчи оюнду уттуруп, экинчисинде жеңсе, "Алай" эки оюнда катары менен жеңилип калган.
