БИШКЕК, 10-апр. — Sputnik. Ушул аптанын шаршемби жана бейшемби күндөрү Чемпиондор лигасынын чейрек финалдык оюндары өтөт. Бул тууралуу УЕФАнын расмий сайты жазып чыкты.
Маалыматка ылайык, 12-апрель күнү "Ювентус" — "Барса", "Боруссия" —"Монако" беттеши болот. Бул оюнда Ювентус менен Боруссия өз үйлөрүндө ойношот.
Ал эми 13-апрель күнү көпчүлүк күткөн "Бавария" клубу менен "Реал Мадрид" ойносо, "Атлетико" командасы "Лестер" менен күч сынашат. Мында "Бавария" менен "Атлетико" конокторду кабыл алат.
Ушул эле командалардын жооптуу беттештери 19-20-апрель күндөрү өтөт.
Эске сала кетсек, Чемпиондор лигасынын финалдык оюну үстүбүздөгү жылдын 4-июнуна белгиленген. Өткөн жылы Чемпиондор лигасын "Реал Мадрид" утуп алган.
