Наргиза Абдубалиева: Twitter компаниясындагы күндөрүм толкундануу менен өтүп кетти
Twitter компаниясында өткөн беш жумалык стажировкам толкундануу менен өтүп кетти. Бул тууралуу аталган компанияда иштеген кыргызстандык Наргиза Абдубалиева Sputnik Кыргызстан агенттигине маек куруп жатып билдирди.
Анын айтымында, компаниянын ири имаратынын ичинде кызматкерлердин ыңгайлуулугу үчүн бардык шарттар түзүлгөн.
"Бардыгы акысыз. Тамак-аштын түрү, сүт азыктары кенен. Эртең менен туруп алып эле келе берсең болот. Жада калса, чарчасаң, өзүңчө отуруп эс ала турган бөлмө бар", — деди Абдубалиева.
