БИШКЕК, 16-мар. — Sputnik. Жогорку кеңештин депутаттары Ысык-Көлдөгү аты жок чокулардын бирине "Апрель революциясынын баатырлары" деген географиялык аталыш ыйгаруу демилгесин кодлоп беришти. Бул тууралуу парламенттин маалымат кызматы кабарлады.
Буга чейин Кыргызстандагы бийик чокулардын бирине Апрель баатырларынын атын ыйгаруу жөнүндө мыйзам долбоору коомдук талкууга коюлгандыгы тууралуу маалымдалган.
Белгилүү болгондой мындай чечимди парламенттин депутаттары колдоп, мыйзам долбоорун үч жолку окууда кабыл алышкан.
Аталган чоку Ысык-Көл облусунун Ак-Суу районунун аймагындагы Тескей Ала-Тоо кыркасында жайгашып, бийиктиги 4142,2 метрди түзөт.
Эске салсак, 2017-жылдын 7-апрелинде Кыргызстанда апрель революциясынын жети жылдыгы белгиленет.
