Афганистандын Памиринен келе турган кыргыздар Нарынга жайгаштырылат

© Фото / пресс-служба Государственной службы миграцииПамир кырыгздары. Архив
Памир кырыгздары. Архив - Sputnik Кыргызстан
Жазылуу
Облус башчынын айтымында, алар жашай турган турак-жайдын ижара акысын өкмөт төлөп берет.

БИШКЕК, 13-мар. — Sputnik. Апрель-май айларында Кыргызстанга алып келине турган памирлик боордошторубуз Нарын облусунун беш районуна жайгаштырылмай болду. Учурда жергиликтүү бийликтин өкүлдөрү менен бул багытта иштер башталды. Мындай маалыматты Sputnik Кыргызстан агенттигине өкмөттүн Нарын облусу боюнча өкүлү Аманбай Кайыпов билдирди.

Бул маселе өкмөттөн сунушталып, Мамлекеттик миграция кызматынын төрагасы Медетбек Айдаралиев өкмөт өкүлү Кайыпов менен талкуулаган.

Депутат Мирлан Бакиров - Sputnik Кыргызстан
Радио
Бакиров: Памир кыргыздарын чек арага жакын тоолуу аймактарга жайгаштыруу керек
"Алардын климаттык шарты биздин Нарынга ылайыктуу экен. Беш район (Ак-Талаа, Ат-Башы, Нарын, Кочкор, Жумгал — ред.) экиден үй-бүлө алат да, акимдер, айыл өкмөттөр, жергиликтүү эл менен сүйлөшүп, кайсы айылга жайгаштырууну өздөрү ылайыкташтырат",— деди Кайыпов.

Облус башчынын айтымында, алар жашай турган турак-жайдын ижара акысын өкмөт төлөп берет.

Памирлик кыргыздар Кыргызстанга келип түшкөндөн кийин, эки айга чукул Нарын шаарынын өзүндө эки айлык адаптациялык мөөнөттөн өтөт.

"Алар май айында келет деп пландалууда. Нарын шаарында мурда жатак мектеп болуп, азыр Үсөн Асанов атындагы лицей болуп өзгөргөн окуу жай бар. Окуучулар каникулга кетип имарат бошоп калат. Ошол жерде эки ай ичинде көнүштүрүп, медициналык кароолордон өткөрүп, биздин жашоо-шартыбыз менен тааныштырып, үйрөтүүнү пландап жатабыз. Андан соң гана райондордогу үйлөргө жайгаштырсак деген тилектер бар", — деди Кайыпов.

Памирлик кыргыздарга медициналык жардам көрсөтүлдү - Sputnik Кыргызстан
Памир кыргыздары: 198 адам медициналык кароодон өтүп, 11и ооруканага жөнөтүлдү
Мамлекеттик миграция кызматы буга чейин Улуу жана Кичи Памирде жашаган, тагыраагы Афганистандын Бадахшан аймагындагы жети жаштан 30 жашка чейинки 30 адамды Кыргызстанга алып келүү аракеттери жүрүп жаткандыгын кабарлаган эле. 

Алар деңиз деңгээлинен 4,5 миң чакырым бийиктикке жашап көнүп калгандыктан, алгач, Ош облусунун Чоң-Алай районунун аймагына отурукташтырылары айтылган.

Миграция кызматынын маалыматына ылайык, учурда Памирде 2100гө жакын этникалык кыргыз жашап жатат. Негизинен кыргыздар Улуу Памир менен Кичи Памирди жердешет. Кичи Памирде сегиз айыл, 208 кожолук бар, анда 1200дүн тегерегинде киши жашайт. Ал эми Улуу Памирдеги алты айылда 825 адам күн кечирип келет.

Буга чейин Кыргызстандан Памирге төрт жолу экспедиция жиберилип, гуманитардык жардамдар жөнөтүлгөн.

Жаңылыктар түрмөгү
0