Памир кыргыздары: 198 адам медициналык кароодон өтүп, 11и ооруканага жөнөтүлдү

© Фото / пресс-служба Государственной службы миграцииПамирлик кыргыздарга медициналык жардам көрсөтүлдү
Памирлик кыргыздарга медициналык жардам көрсөтүлдү - Sputnik Кыргызстан
Жазылуу
НовостиTelegram
Кандаштардын негизинен өпкө жана ашказан илдеттерине кабылганы маалым болгон.

БИШКЕК, 28-фев. — Sputnik. Памирлик кыргыздарга медициналык жардам көрсөтүлдү. Бул тууралуу Мамлекеттик миграция кызматынан кабарлады.

Билдирүүгө караганда, медициналык текшерүүдөн Кичи Памирдин 198 тургуну өткөн.

"Алардын ичинен 11 адамга Тажикстандын Мургаб районундагы ооруканадан дарылануудан өтүү сунушталды. Дарыгерлердин айтымында, бул тургундар толук дарыланууга муктаж. Медициналык текшерүү учурунда катаал аба ырайына байланыштуу өпкө оорусу, туура эмес тамактануудан ашказан оорусу сыяктуу илдеттер көп катталган", — деп жазылат маалыматта.

Белгилей кетсек, Кичи Памирдеги этникалык кыргыздарга медициналык жардам "Ага Хан" уюмунун колдоосу менен ишке ашкан.

Жаңылыктар түрмөгү
0