БИШКЕК, 16-янв. — Sputnik. Кулап түшкөн Boeing-747-400F учагынын ичинде төрт учкуч болгонун Түркиянын Hurriyet басылмасы билдирди.
Экипаждын бардыгы Түркиянын жарандары экени аныкталды. Учактын капитаны Ибрагим Гүржан, экинчи учкуч Казым Өндүл жана жүк ташуучулар Мелих Ослан менен Ихсан Кожа болгон.
16 Үчтүн айы 2017, 14:04
Басылманын билдиришинче экинчи учкуч Казым Өндүл 2009-жылы Афганистанда кызмат кылган жана ошол учурдагы АКШнын мамлекеттик катчысы Хиллари Клинтон тарабынан ишин мыкты аткаргандыгы үчүн сыйланган.
Экипаж мүчөлөрүнүн бардыгы каза болгон.
MyCargo Airlines авиакомпаниясына таандык Boeing-747-400F учагы эртең менен саат 7.30дар чамасында "Манас" аэропортуна жакын жердеги Дача-Суу айылына кулап түшкөн. Ал чартердик каттам аркылуу Turkish Airlines авиакомпаниясынын жүгүн ташып келе жаткан.
ӨКМдин акыркы маалыматы боюнча учактын кулашынан 34 киши каза болуп, 23 үй жабыркаган.
