БИШКЕК, 14-янв. — Sputnik. Дача-Суу айылында учак кыйраган жерде мародерлук боюнча бир факт катталганын Sputnik Кыргызстан агенттигине милициядагы булак билдирди.
Бүгүн эртең менен Гонкондон Стамбулга учуп баратып, "Манас" аба майданына май куюп алуу үчүн конууну пландаган жүк ташуучу учак Дача-Суу айылынын үстүнө кулаган. Расмий маалыматтарга караганда, 31 адам каза болуп, 11 адам жаракат алды.
"Мародерлук боюнча бир факт катталды. Айылдын жашоочусу бир нече коробканы ташып кеткен. Ал кармалып, Сокулук РИИБине жеткирилди", — деп айтылат билдирүүдө.
ИИМдин маалымат кызматынан мародерлук боюнча маалыматты тастыкташты. Анын үйү учактын кыйроосунан жабыр тарткан эмес.
Ал киши учактан түшкөн коробкаларды өзүнүн коросуна чогултуп алган.
Учактын кыйрашына байланыштуу бардык маалыматтардын топтомун бул жактан окуңуздар>>
