БИШКЕК, 28-дек. — Sputnik. Мамлекеттик салык кызматынын башчысы Замирбек Осмонов Бишкек шаарынын аймактык салык органдарынын жетекчилерин жыйнап, жыл аягына чейин салыкты 100 пайыз чогултуп бүтүүгө чакырды. Бул тууралуу ведомствонун сайты жазды.
Жыйында Осмонов салык кызматынын жетекчилерине жыл аягына чейин ыкчамдуулук көрсөтүүнү талап кылды.
"Жылдын аягына чейин дагы бир нече күн бар. Катуу иштеп коюшубуз керек", — деди Осмонов.
Ал эми аймактык жетекчилер салыктарды чогултуу боюнча планды толугу менен ишке ашырабыз деп убада беришти.
