БИШКЕК, 28-дек. — Sputnik. Президент Алмазбек Атамбаев Конституцияны өзгөртүү боюнча мыйзамга кол койду. Бул тууралуу өлкө башчынын маалымат кызматы билдирди.
Эске сала кетсек, 11-декабрь күнү Баш мыйзамды өзгөртүү боюнча референдум өтүп, шайлоочулардын көпчүлүк бөлүгү демилгени колдогон.
Жаңы Конституция 2017-жылдын 15-январынан тарта күчүнө кирет. Белгилей кетсек, беш берене (бийлик бутактарына тиешелүү болгон 70, 72, 75, 81 жана 87-беренелер) 2017-жылдын 1-декабрынан баштап иштей баштайт.
