БИШКЕК, 4-ноя.— Sputnik. Британиянын изилдөөчү Legatum Institute институту жыл сайын жарыяланган Prosperity Index рейтингин сунуштады. Анда мамлекеттердин гүлдөп өнүгүүсү жана жетишкен деңгээли боюнча бааланат.
Жети жылдан бери рейтингдин алдыңкы сабында Норвегия турса, гүлдөгөн мамлекет деп Жаңы Зеландия аталды. Алдыңкы катардын үчүнчү орунунда Финляндия турат. Ал эми мыкты 10 орунга Швейцария, Канада, Австралия, Нидерланд, Швеция, Дания жана Улуу Британия илинген.
Ал эми гүлдөп өнүкпөгөн мамлекеттердин катарына Борбор Африкалык Республика, Афганистан жана Йемен кирген.
Рейтинг жүргүзүүдө иликтөө институтунун изилдөөчүлөрү 104 факторду эске алат. Алардын негизгилери болуп билим берүү, жаратылыш, жарандардын коопсуздугу, демократиянын өнүгүү деңгээли, мыйзамдын сакталышы жана бийликтин натыйжалуулугу эсептелет.
