БИШКЕК, 25-окт. — Sputnik. Эл аралык "Жер сулуусу — 2016" сынагына катышкан кыргызстандык Бегим Алмасбекова улуттук кийимдер боюнча кароодо коло медалга татыктуу болду. Бул тууралуу сынактын катышуучусу Instagram баракчасына жазып чыкты.
Филиппиндин борбору Манилада эң популярдуу "Жер сулуусу" аттуу сынак БУУнун колдоосу менен өтүп жатат. Бул жылы башкы титул үчүн 94 мамлекеттен келген бийкечтер ат салышууда.
Улуттук кийимдер көрсөтмөсүндө алтын медалды англиялык бийкеч илип кетсе, күмүшкө Швециядан келген сулуу татыктуу болгон. Ал эми күмүш медалды 19 жаштагы кыргызстандык Бегим Алмасбекова алды.
Конкурстун финалдык бөлүгү ишемби күнү өткөрүлөт. Жеңүүчү "Жер сулуусу" наамына ээ болуу менен БУУнун айлана-чөйрөнү коргоо программасын өнүктүрүү боюнча элчиси катары таанылат.
Эске сала кетсек, Алмасбекова "Кыргыстан сулуусу — 2016" сынагында экинчи вице-мисс атыгып аталган сынакка катышууга мүмкүнчүлүк алган.
