БИШКЕК, 12-окт. — Sputnik. Жыл башынан бери Жер ортолук деңиз аркылуу Европа жээктерине келген качкындардын саны 316 миңге жеткенин Миграция боюнча эл аралык уюмдун маалымат катчысы Жоэл Миллман брифингде билдирди. Ал эми бул тууралуу РИА Новости жазды.
Уюмдун маалыматына ылайык, деңизди кесип өтүүдө 3611 адам каза болуп же дайынсыз жоголуп кеткен.
Миллман Евробиримдик менен Түркиянын март айындагы макулдашуусунан кийин Греция жана Балкандын батыш аймагындагы өлкөлөрдө качкындардын саны 56 пайызга көбөйүп кеткенин белгиледи.
