БИШКЕК, 3-окт. — Sputnik. Англиянын тышкы иштер министри Борис Джонсон Бирмингемде Улуу Британиянын Консервативдүү партиясынын съездинде чыгып сүйлөп жатып Африканы континент деп атоонун ордуна кокустан мамлекет деп алды. Британиялык ТИМ башчысынын чыгып сүйлөгөн видеосун Youtube сайтында тори расмий каналынан көрүүгө болот.
"Африкада жашоо узактыгы таң калаарлык жол менен өстү, анткени бул өлкө глобалдуу экономикалык системанын бөлүгү болуп калды", — деп билдирди Джонсон.(23:55 видеодо).
International Business Times маалымдагандай, буга чейинки таркатылган билдирүүдө ТИМ башчысынын кагазында "өлкө" деген сөздүн ордуна "континент" деп жазылган. Жаңылыш сөздөн кийин министр эч нерсе болбогондой Эфиопия жана Замбиядагы жашоонун узактыгы тууралуу сөзүн уланткан.
Борис Джонсон премьер-министр Тереза Мейдин өкмөтүндө тышкы иштер министринин кызматын 2016-жылдын июль айынан бери ээлеп келет.
