БИШКЕК, 11-сен. — Sputnik. Эки күн мурда өзөктүк бомбасын сынаган Түндүк Кореяга карата АКШ менен Япония бир тараптуу же эки тараптуу чараларды көрүшү мүмкүн. Бул тууралуу РИА Новости агенттиги Рейтерге шилтеме берүү менен билдирди.
"БУУнун Коопсуздук кеңешинин аракеттерине кошумча АКШ менен Япония Түндүк Кореяга карата бир тараптуу же эки тараптуу, керек болсо үч тараптуу кызматташууну карашы мүмкүн", — деп Япониянын Тышкы иштер министрлигинин Түндүк Корея боюнча атайын өкүлү Сун Ким билдирген.
Буга чейин Түштүк Корея менен АКШнын Тышкы иштер министрликтери Пхеньянга карата санкцияларды күчөтүүгө жетишүү боюнча сүйлөшүшкөн.
Түндүк Кореянын жетекчилиги жума күнү өзөктүк куралды сыноо ийгиликтүү өткөнүн билдирип, баллистикалык ракеталарын жабдый тургандыктарын жар салган.
