БИШКЕК, 9-сен. — Sputnik. Брюсселде бейтааныш киши трамвайга баштыгын ыргытып жүргүнчүлөрдүн үшүн алганын РИА Новости маалымат агенттиги билдирди.
Бул окуя трамвай келип токтогон учурда болгон. Бейтааныш кишинин шектүү баштыкты ыргытканын көргөн жүргүнчүлөр "камикадзе, качкыла" деп трамвайдын ичинен кыйкырып сыртка чыгууга шашышкан.
Бирок чынында окуя таптакыр башкача болгон. Трамвайга шашкалактап түшкөн жүргүнчүлөрдүн бирөө перрондо баштыгын унутуп калган. Аны байкаган киши баштыкты трамвайдын ичин көздөй ыргыткан. Аны жүргүнчүлөрдүн бирөө байкап калып, ошол жерден айгай салып жиберген.
