БИШКЕК, 18-авг. — Sputnik. Бразилия курама командасынын капитаны жана "Барсанын" четки чабуулчусу Неймардын голу Олимпиада оюндарынын тарыхында эң кыска убакытта киргизилген топ болгонун The Goal спорттук-маалыматтык сайты билдирди.
Neymar's goal vs Honduras, the fastest goal scored in Olympic! pic.twitter.com/leH77zqOpE
— BWW Videos (@BWWvideos) 17 августа 2016 г.
Оюндун жарым финалынын 14-секундасында Неймар Гондурастын коргоочусу кетирген катачылыктан пайдаланып, гол киргизген. Муну менен бразилиялык чабуулчу жаңы олимпиадалык рекорд жаратты.
Мурунку рекорд 2012-жылкы Лондон Олимпиадасында 29-секундда гол киргизген мексикалык спортчу Орибе Перальтага таандык. Бул Олимпиадада Гондурастын чабуулчусу Альберт Элистин 30-секундада тээп киргизген голу эң ыкчам топ деп саналып келген.
"Маракана" стадионунда өткөн жарым финалдык беттешүү 6:0 эсеби менен бразилиялыктардын пайдасына аяктады. Эми финалдык оюнда аталган команда 2:0 эсеби менен Нигериянын футболчуларын утуп алган германиялыктар менен беттешет.
