БИШКЕК, 9-авг. — Sputnik. Эл аралык "Жер сулуусу — 2016" сынагына Кыргызстандын атынан 19 жаштагы Бегим Алмасбекова катышат. Бул тууралуу өлкө аймагында "Кыргызстан сулуусу — 2016" сынагынын уюштуруучусу Таттыбүбү Самидин кызы билдирди.
Алмасбекова Бириккен улуттар уюму тарабынан уюштурулган сынакка катышмай болду. Ал "Кыргызстан сулуусу — 2016" сынагынын вице-сулуусу атыккан.
Программага ылайык бардык катышуучулар аймактык жана глобалдык экологияны жакшыртууга багытталган эл аралык долбоорлорун сунушташат. Жеңүүчү атыккан сулуу БУУнун айлана-чөйрөнү коргоо боюнча программасынын өкүлү болуп калат.
Кыргызстандын атынан бара турган катышуучу өзүнүн долбоорун сунуштоого жетишти.
Сулуулар сынагы Давао шаарында өтөт (Филиппины). Финал 15-октябрга белгиленди.
