БИШКЕК, 18-июл. — Sputnik. Бишкек-Алматы аба каттамы токтогон жок. Бул тууралуу Sputnik Кыргызстан агенттигине Эл аралык "Манас" аэропортунан билдиришти.
Маалыматка ылайык, бүгүн 18-июлда "Эйр Астана" авиакомпаниясы тарабынан Алматы-Бишкек каттамы боюнча учак 18:55те Бишкекке, "Манас" аба майданына конуп, 19:55те кайра Алматыга учуп кетет.
2016-жылдын 18-июлунда түшкө чукул Алматыда террордук кооптуулуктун кызыл деңгээли киргизилди.
Кызыл деңгээл Алмалы Ички иштер бөлүмүнө, Улуттук коопсуздук боюнча Департаментке кол салуу болуп, кеминде бир полиция кызматкери өлтүрүлгөндөн кийин жарыяланган.
Террорчулукка каршы кызмат шаардыктарды тартип коргоо органдары айткандарды аткарып, коопсуздук эрежелерин сактоону эскертишти.
