БИШКЕК, 18-июл. — Sputnik. Алматы шаарынын Алмалы районундагы ички иштер бөлүмүнүн жанынан атышуунун үнү угулганын Новости-Казакстан маалымат агенттиги күбөлөргө шилтеме берүү менен билдирди.
Facebook социалдык тармагынын колдонуучусу полицияга автоматтан ок чыгарган делген кишинин видеосун жарыялады.
"Кара кийим кийген киши колуна автомат алып чуркап чыгып, болжол менен полицияны карай ок чыгарды окшойт. Машинаны токтотууга аракет кылды, бирок баары тез эле кетип калышты. Андан кийин ал чыгыш тарапты көздөй чуркап кетти", — деп күбө жазган.
Новости-Казакстан маалымат агенттиги азырынча полициядан түшүндүрмө келе электигин билдирет.
"Башында үч же төрт жолу атышуу болду. бейтааныш киши Карасай баатыр көчөсү аркылуу Байтурсынов көчөсү чуркап чыкты. Анын артынан полиция кызматкерлери да чуркашты", — деп күбө билдирген.
Агенттиктин маалыматына ылайык, атышуудан эки полиция кызматкери жарадар болгон.
Учурда бул аймактагы айдоочуларды алып, көчөдөн бардык машиналарды тазалап жатышат.
