БИШКЕК, 16-июл. — Sputnik. "Ислам мамлекети" террордук уюму Франциянын Ницца шаарындагы теракты жоопкерчилигине өзүнө алды. Бул тууралуу РИА Новости Аль-Жазира телеканалына шилтеме берип жазды.
Ниццадагы теракт 14-июлда кечке жуук болгон. Франциялык басылмалардын жазганына караганда, автоунаа эки чакырымга чейин токтобой, полиция айдоочуну атып өлтүргүчө чогулган элди тебелетип жүрүп отурган. Күбөлөрдүн айтымында, ал унааны түз эмес, ары-бери жакка буруп, көбүрөөк курмандык жараткандай аракет менен айдаган.
Полиция кызматкерлери согушкерди жеринде жок кылышкан. Анын теги аныкталып, Тунис өлкөсүнөн Ницца шаарына келип жашаган 31 жаштагы киши экени аныкталган.
