БИШКЕК, 16-июл. — Sputnik. Кыздардын футбол боюнча курама командасы Глазгодо (Шотландия) көчө футболу боюнча дүйнөлүк чемпионатта финалга чыкты. Бул туурасында уюштуруучулар кабарлашты.
Кыргызстандык спортчу кыздар баштапкы он оюндун тогузунда мөрөйгө жетип, бирөөсүндө жеңилип калган.
Чейрек финалда кыргызстандыктар 9:2 эсебинде Индиянын курама командасын утту. Жарым финалда Шотландиялык атаандаштары менен беттешип, аларды 8:3 эсеби менен жеңип алды. Ал эми финалда кыргызстандыктар Мексиканын командасы менен беттешет. Буга чейин чемпионаттын биринчи этабында Чилиден 1:2 эсебинде утулуп калган.
