БИШКЕК, 14-июл. — Sputnik. Дүйнөлүк футбол федерациясынын жаңыланган рейтингинде футбол боюнча Кыргызстандын курама командасы 104-орунга көтөрүлдү. Бул туурасында федерациянын расмий сайтында маалымдалды.
Улуттук курама команда жети сапка жогорулап, Сирия менен чогуу 104-орунга татыды. Ошентип команданын упайлары 28ге көбөйүп, ал 341ди түздү.
Бул жылы Кыргызстан болгону эки гана оюн өткөрдү. Дүйнөлүк чемпионатка тандоо турунун жыйынтыктоочу оюнунун алкагында Тажикстандын курама командасын 1:0 эсебинде утуп алган. Ал эми 7-июнда Ирандын командасы менен болгон жолдоштук беттеште аларга 0:6 эсебинде утулуп калган.
