БИШКЕК, 13-июл. — Sputnik. Согуш болуп жаткан Сирия мамлекетинен качкындардын кайсы бир бөлүгүн ылгоодон өткөрүү үчүн Кыргызстанга алып келүү маселесин иш сапар учурунда президент Алмазбек Атамбаев менен канцлер Ангела Меркель талкуулабайт. Бул суроо жолугушуунун күн тартибине коюлган эмес деп билдиришти Sputnik Кыргызстан агенттигине ТИМдин маалымат кызматынан.
Буга чейин сириялык качкындардын кайсы бир бөлүгүн ылгоодон өткөрүү үчүн Кыргызстанга алып келишет деген маалыматты бир катар басылмалар жазып чыккан.
Сириялык качкындардын бир катары Кыргызстанга ылгоодон өткөрүү үчүн алып келинип, бул жерден тиешелүү текшерүүдөн ийгиликтүү өтсө, андан кийин Европага жөнөтүлөт деген божомолдор айтылган. Басылмалар, бул долбоор Германиянын финансылык көмөгү менен ишке ашырылат деп маалымдалган.
