Түркиянын Ван аймагында террордук кол салуу болуп, жергиликтүү кыргыз каза болгону айтылууда

© AFP / OZAN KOSEТүркиянын полиция кызматкери. Архив
Түркиянын полиция кызматкери. Архив - Sputnik Кыргызстан
Жазылуу
Жардыруучу зат жүктөлгөн автоунаанын жарылуусунан бир аскер менен бир күзөтчү каза болгон. Бул жардырууну Күрддөрдүн жумушчу партиясы жасаганы маалымдалууда.

БИШКЕК, 10-июл. — Sputnik. Түркиянын Ван аймагындагы Эржиш районунда террордук кол салуу болуп, анын кесепетинен бир аскер, бир күзөтчү каза болуп, ондон ашык киши түрдүү жаракаттарды алганын Sputnik Türkiye маалымат агенттиги билдирди.

Стамбулдагы Ататүрк аэропорту. Архив - Sputnik Кыргызстан
Мамкаттоо кызматы Түркиядан теракт жасоого шектелгендердин паспорт номерин сурады
Түрк куралдуу күчтөрүнүн маалыматына ылайык, Вандын Эржиш районунда 10-июлда түнкү саат 00.20да коопсуздук пунктунда бомба жүктөлгөн автоунаа жардырылган. Анын кесепетинен эки киши каза болуп, ондон ашык киши жаракат алган, алар дароо ооруканага жеткирилген.

Ал ортодо TRT каналынын кыргыз бөлүмү каза болгон күзөтчүнүн Туратбек Гүрожак аттуу кыргыз экенин билдирди.

Белгилей кетсек, Түркиянын Ван аймагында Афганистандан көчүп келген этникалык кыргыздар жайгашкан.

Жаңылыктар түрмөгү
0