БИШКЕК, 29-июн. — Sputnik. Түркиянын Стамбул шаарындагы "Ататүрк" аэропортунда болгон жарылуудан жабыр тарткандардын арасында кыргызстандыктар акыркы маалыматтар боюнча жок. Бул тууралуу Консул Руслан Молдакунов Sputnik Кыргызстан агенттигине билдирди.
28-июнда жергиликтүү убакыт боюнча кечки 9:20да Стамбул шаарынын "Ататүрк" аэропортунда теракт болуп, 36 киши каза болуп, 150дөй киши түрдүү жаракаттарды алган.
Молдакунов учурда жаракат алгандардын ичинде кыргызстандыктардын аты-жөнүнө окшош эки кишинин жарандыгы тактала электинин кошумчалады.
"Кризистик борбордо жаракат алган кыргызстандык жарандар тууралуу маалымат жок. Бирок жабыр тарткандардын арасында кайсыл мамлекеттин жараны экени аныкталбаган эки киши бар. Алардын фамилиясы биздикилердикине окшош болуп жатат. Алар: 22 жаштагы Бахтияр Юнустов жана 20 жаштагы Рыфат Салимов. Азыр биз оорукана менен байланышып, алардын жарандыгын тактайбыз", — деди ал.
Консул учурда КР жарандарына керектүү болгон жардамдар берилип жатканын кошумчалады.
