Sputnik Кыргызстан маалымат агенттигинин фотокабарчысы Табылды Кадырбеков ADME PHOTO AWARDS 2016 сүрөт конкурсунда үчүнчү орунду камсыз кылды.
Конкурска 4419 сүрөт келип түшкөн, анын ичинен калыстар эң мыкты делген 36 сүрөттү тандап алышкан.
Мыкты эмгектерди тандоодо уюштуруучуларга фотографтар Катерина Плотникова, Александр Петросян, Олег Оприско, Александр Яковлев жана Кирилл Умрихин жардам беришкен.
Баш байгени Nikolai Endegor деген лакап ат менен сынакка катышкан фотограф "Феникс" деп аталган эмгеги үчүн алган. Ал 100 миң рубль жана Грецияга эки кишилик туристтик жолдомого ээ болот.
Биринчи орунду 10 фотограф алып, алардын ар бирине 50 миң рублдан сыйлык берилет.
Экинчи орунга 13 сүрөтчү татып, ар бири 40 миң рубль менен сыйланат.
Үчүнчү орунду 12 фотограф алды. Алардын катарында Табылды Кадырбековдун "Быйтык" (Смайлик) сүрөтү да бар. Коло байгеге татыган ар бир фотограф 30 миң рублдан алышат.
2015-жылы Энелер күнүнүн урматына "Ала-Тоо" аянтында майрамдык концерт уюштурулган. Дал ушул сүрөт абройлуу конкурста үчүнчү орунду алды
Улуу Жеңиштин 71 жылдыгына карата Бишкек шаарында өткөн "Өлпөс полк" жөө жүрүшү. Ага 20 миңден ашык киши катышты
Улуу Жеңиштин урматына арналган иш-чарада ардагер көз жашын сүртүп жатат
Улуттук Гвардиянын ардак кароолунун жоокерлери
"Жашыл берет" алуу үчүн экзамен тапшырып жаткан атайын даярдыктагы "Скорпиондун" аскери
WEF2 кулатуу чемпионатына чыгар алдында дуба кылган мушкер
СИЗО-50дөн качып кеткен кылмышкерлерди издөө учуру. Милициялар менен чогуу агенттиктин кабарчылары да түнү бою жүрүшкөн
Мал айдаган малчылар
Айт намазы, Бишкек, 2015-жыл, 17-июль. Эски аянтка 100 миңдей киши намазга келди
Кыргызстан эгемендүүлүгүнүн 24 жылдыгын белгиледи. Эски аянтка чет элдик эстрада ырчылары концерт коюшкан
