БИШКЕК, 19-май — Sputnik. "Россия сегодня" медиагруппасы уюштурган жаш фотожурналисттердин эл аралык конкурсунун кыска тизмеси жарыяланды.
"Россия сегодня" медиагруппасынын фотокорреспонденти Андрей Стениндин урматына уюштурулган конкурс 2016-жылы катышуучулардын саны жана географиялык аймагы боюнча рекорд койду. Конкурска өз эмгектерин 5 континенттеги 71 мамлекеттин жаш фотографтары жөнөткөн.
Кыска тизмеге 10 мамлекеттин өкүлдөрү кирди. Алар Россия, Кытай, Сирия, Италия, Испания, Израиль жана башка мамлекеттин фотографтары бар. Алар менен stenincontest.ru сайтынан толук тааныша аласыздар.
Жеңүүчүлөр 4-августта белгилүү болот, баш байгенин ээси 30-августта Москва шаарында боло турчу лауреттардын иштеринин көргөзмөсүндө аныкталат.
