Май айы нөшөрлөгөн жаан менен коштолуп, селдин кесепети өлкөдөгү мал-жанга зыян тийгизди. Тынбай жааган жаандан борбор калаанын көчөлөрүндө суулар арык болуп агып, көп жылдан бери турган дарактар кулай баштады.
Кыргызстандын көпчүлүк аймактарында жааган жамгырдын көлөмү май айына белгиленген нормадан ашты. Бул тууралуу Кыргызгидромет Sputnik Кыргызстан маалымат агенттигине билдирди.
Май айында жааган жаан Жалал-Абад облусунда нормадан 19 пайызга ашса, бул көрсөткүч Баткенде 26 пайызга жетти. Ал эми Талас, Нарын жана Ысык-Көл облустарында 10 күн ичинде жааган жамгырдын көлөмү бир айлык норманын чегинде сакталууда.
Кыргызгидромет ар бир облустун географиялык өзгөчөлүгүнө жараша бир айлык жаандын нормасы түрдүүчө белгиленгенин кошумчалады.
Бишкек шаарына май айы үчүн белгиленген норма 62 миллиметр болсо, ай башынан бери жааган жамгырдын деңгээли 67 миллиметрге жетип, нормадан 108 пайызга ашкан.
Турусбеков жана Рыскулов көчөлөрүнүн кесилиши
Коенкозов көчөсү менен Бөкөнбаев көчөсүнүн кесилиши
Москва көчөсү
Шопоков көчөсү
Исанов көчөсү
Темиркул Үмөталиев атындагы көчө
Тыныстанов менен Киев көчөсүнүн кесилиши
Атай Огонбаев көчөсү
