БИШКЕК, 16-май — Sputnik. Кыргызстанда эртең да күн күркүрөп, жаан жаайт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден айрым жерлерде 15-20 метрге чейин жетиши мүмкүн.
"17-майда түнкүсүн көпчүлүк аймактарда жаан жаап, күн күркүрөшү, бийик тоолуу райондордо кар жаашы күтулөт", — деп айтылат маалыматта.
Бишкек менен Ош шаарларында жаан жаап, күн күркүрөйт. Бишкекте түнкүсүн 10…12 градус, күндүз 21…23 градус жылуу болсо, Ошто абанын температурасы түнкүсүн 13…15, күндүз 23…25 градуска чейин көтөрүлөт.
