БИШКЕК, 16-май — Sputnik. Жалал-Абаддын Арстанбап айыл аймагында жүргөн сел 32 баш койду агызып кеткенин Өзгөчө кырдаалдар министрлиги билдирди.
Нөшөрлөп жааган жамгырдан улам Кызыл-Алма дарыясы нугунан чыгып, айдоо жерлерин жана жолду каптаган.
170 метр автожол бузулуп, суу үч айыл-чарбанын аймагына толуп кеткен. Андан сырткары, бир көпүрө авариялык абалга келген.
Токтогул районунда түндө жүргөн сел 32 баш койду агызып кеткен. Буга чейин ушул эле райондон 100 кой сел алдында калган болчу.
Жарандык коргоо комиссиясы келтирилген чыгымдарды эсептеп жатат. Өлгөн койлор атайын жайга көмүлдү.
