БИШКЕК, 3-май — Sputnik. Премьер-министр Сооронбай Жээнбеков бүгүн, 3-майда, БУУ Аткаруу кеңешинин делегациясы менен жолугушуп, соңунда аларды Көчмөндөр оюндарына чакырды. Бул тууралуу өкмөттүн маалымат кызматы билдирди.
Жолугушууда Кыргызстандын жогоруда көрсөтүлгөн БУУ тутумунун структуралык түзүмдөрүнүн линиясы боюнча кызматташуусуна тийиштүү кеңири чөйрөдөгү маселелер боюнча пикир алмашуу болду.
Өкмөт башчы маалымдагандай, кыргыз тарап Туруктуу өнүктүрүүнүн глобалдуу максаттарынын Адаптациялоо, ишке ашыруу жана анализдөө боюнча координациялык комитетин өзгөртүп түзүү ишин жыйынтыктоодо.
"Жакынкы арада анын алгачкы жыйынын өткөрүү пландаштырылууда. Ошондой эле Туруктуу өнүктүрүүнүн глобалдуу максаттарын улуттук деңгээлде ишке ашыруу боюнча келерки кадамдар боюнча жол картасынын долбоору иштелүүдө", — деди премьер-министр.
БУУ Аткаруу кеңешинин делегациясынын жетекчиси Зограб Мнацаканян Кыргызстанда бүгүнкү күндө билим берүү, саламаттык сактоо, азык-түлүк коопсуздугун камсыздоо, демократияны өнүктүрүү жана башка тармактар боюнча кызматташууну координациялаган БУУнун 14 агенттиги иш алып барып жатканын белгиледи.
Делегация Кыргызстандын башка аймактарын да кыдырып, БУУнун фонд жана агенттиктеринин ишин талдоодон өткөрмөкчү.
