БИШКЕК, 3-май — Sputnik. Кара-Балта шаарынын тургуну май куюучу бекетте ууланып каза болду. Бул тууралуу Чүй облустук ички иштер башкармалыгынын маалымат кызматы билдирди.
Ага ылайык, 2-май күнү Кара-Балта шаарынын 23 жаштагы тургуну "Газпром" май куюучу жайында бензин сакталган аймакка атайын кийим кийбей кирип, андагы буюмдарды тазалоого аракет кылган. Аталган жаран заматта эс-учун жоготкон.
Чакырылган Тез жардам кызматы өмүрүн сактаганга үлгүргөн жок.
Каза болгон жаран аталган жайда эки жылдан бери иштеп келген.
Учурда тергөө амалдары жүрүп жатат.
